Witi Ihimaera's first published book - Pounamu Pounamu - translated into te reo Maori. Published in collaboration with Kotahi Rau Pukapuka.
E rima tekau tau ki muri, ka puta mai a 'Pounamu Pounamu' hei kai ma te ao panui reo Pakeha. Ko te whakataunga a nga mana matauranga o Aotearoa o taua wa, he pukapuka tēnei ma nga tamariki i nga kura o te motu whanui.
Kua huri te ao, kua hipa te wa, ko tēnei a 'Pounamu Pounamu' e horahia nei hei hakari ma te kaipanui reo Maori, ko ia ra pea te mokopuna a te kaipanui reo Pakeha o mua.
Ka pēhea te kawe i te wairua o tēnei kohinga korero e rangiwhawha nei te panuitia, kia rangona tonutia ai te kounga o te kupu Pakeha? Me kawe tonu i te pukuhohe o He Kēmu Kari, i te ngau mamae o Tangi, i te hohonu o te aroha o Te Tamaiti.
Kua whakautua taua karanga e nga kaiwhakawhiti reo Maori tekau ma tahi i noho ra hei pia i Te Panekiretanga o te Reo me nga Kura Reo. He mea homiromiro a ratou whakamaoritanga e te kahui hihira, e Makoha Gardiner ratou ko Pania Papa, ko Hēni Jacob, ko Stephanie Tibble. Kei roto nei nga hua o ta nga kahui nei whakaheke tota, e kitea ai, e rangona ai hoki te puawaitanga o te reo Maori me nga reo a-iwi i roto i nga tau.
Kei te tū rangatira tonu nga kupu i rere mai ai i te pene a Witi Ihimaera, nana te huarahi i para hei whai ma te kaituhi kaupapa Maori. Me mihi, ka tika.
Ko Kotahi Rau Pukapuka te waka. Ko te pae tawhiti, kia 100 nga pukapuka reo Maori ka pae ki uta. Ko te whainga, kia puawai te aroha ki te reo ma te rau pukapuka. Tēnei matou e pohiri ana i a Penguin Random House hei hoa whakatere, hei hoa whakatutuki i nga wawata o te hunga e ngakaunui ana ki te reo Maori.
Author Biography:
Witi Ihimaera was the first Maori to publish both a book of short stories and a novel, and has published many notable novels, collections of short stories and in 2020 published his substantial non-fiction work, Navigating the Stars. Described by Metro magazine as 'Part oracle, part memoralist,' and 'an inspired voice, weaving many stories together', Ihimaera has also written for stage and screen - including libretti - edited books on the arts and culture, as well as published various works for children.
His first book, Pounamu, Pounamu, has not been out of print since its first publication in 1972. His works have received many awards over the years, such as the Wattie Book of the Year Award and the Montana Book Award, and most recently the Ockham Award for best non-fiction in 2016 for his first volume of memoir, Maori Boy. The second volume, Native Son, was published in 2019, the same year Pūrakau was released, which he co-edited- editing volumes celebrating the work of other writers has also been an important part of Witi's focus.
He has also had careers in diplomacy, teaching, theatre, opera, film and television. He has received numerous awards for his contribution to literature, including the inaugural Star of Oceania Award, University of Hawaii, a laureate award from the New Zealand Arts Foundation 2009, the Toi Maori Maui Tiketike Award 2011, and the Premio Ostana International Award, presented to him in Italy 2010. In 2004 he became a Distinguished Companion of the Order of New Zealand, in 2017 France made him Chevalier de l'ordre des Arts et des Lettres and the same year he received the NZ Prime Minister's Awards for Literary Achievement.
Translators
Paraone Gloyne
He uri a Paraone Gloyne no Ngati Raukawa ki Wharepūhunga, no Ngati Maniapoto. E hau nei nga rongo o Paraone hai kaitito, hai pūkorero, hai kaihaka. Kai Te Awamutu a ia e noho ana. Kua roa a ia e tū ana hai kaikokiri mo te whakarauoratanga o te reo me nga tikanga Maori. Ko raua ko tana wahine, ko Ngahuia Kopa, nga kaiako me nga kaiarahi o te kapa haka o Motai Tangata Rau.
E mohiotia nei a Paraone i tona koi ki te tito, tae noa ki tana whakatū i te kaupapa o Mahuru Maori, he kaupapa tēra e whakatairanga nei i te korerotia o te reo ki roto i o tatau ao o te ia ra, kaua ki te marama o Mahuru anake.
No te tau 2021 ka mutu tana mahi ma Te Wananga o Aotearoa, 17 nga tau i reira. Kai te kokiri tonu a ia i tētahi konae ipurangi ia wiki e kīia nei ko Taringa, he mea whakahaere e Te Wananga o Aotearoa, a, he kaupapa reorua hai wananga i nga kupu, i nga korero a nga iwi me nga tikanga.
Ruth Smith
He uri a Ruth Smith no Te Tairawhiti whanui, engari i pakeke mai a ia ki te iwi o tona koroua, ki a Ngati Kohuru o roto o Te Aitanga-a-Mahaki. He Ika-a-Whiro no Te Panekiretanga o te Reo, he putanga hoki no Te Toi Reo, kua roa e mahi ana hai kaiwhakawhiti reo.
Kua mahi a ia hai pouako reo Maori ki Toi Houkura- School of Maori Visual Arts, ki Te Wananga o Aotearoa me Te Whare Wananga o Awanuiarangi.
Kua mahi hoki a ia hai kaipapaho ma Whakaata Maori me nga reo irirangi Maori. He kaihaka, he tonotono hoki a ia ki ona iwi o te kaenga. E ngakaunui ana a ia ki te reo Maori me ona tikanga, a, e whai ana ia kia whakatairangatia te reo ma roto mai i te whakaako, i te whakawhiti reo, i nga mahi papaho, me nga mahi tohutohu. I te tau 2022, i whakamaoritia e Ruth ta Witi Ihimaera pukapuka rongonui ko Puripaha Te Pane Kaewa.
Corin Merrick
He uri a Corin Merrick no Ngati Whare, Waikato, Ngati Maniapoto, me Ngati Raukawa. He mokopuna no te Kohanga Reo, he raukura no te Kura Kaupapa Maori, he Ika-a-Whiro no Te Panekiretanga o te Reo. He roia tūtahi, he kaitohutohu ano hoki ia mo nga kaupapa maha. E mahi ana i te Koti a-whanau hei roia mo nga tamariki, hei roia whakamahiri ano hoki. He mangai ia mo nga rangatahi ki te Koti taiohi.
I te tau 2019 i whakaputaina e Corin raua ko Alana Thomas te pukapuka, Kia Kakano Rua Te Ture - A te reo Maori Handbook for the Law. Kei te tonga o Tamaki Makaurau noho ai a Corin ratou ko ana tamariki, ko tona hoa rangatira - he roia ano hoki ia - e hapai ana i nga kaupapa o to ratou hapori.
Ariana Stevens
No Te Tai Poutini a Ariana Stevens, ara, ko Ngati Waewae tona hapū, ko Ngai Tahu tona iwi. Na Te Ataarangi te reo i whangai atu ki a Ariana nona e rangatahi ana i Te Tau Ihu o Te Waka. Nawai, nawai, ka whai wahi ia ki nga mahi whakarauora reo ki raro i te tawharau o Kotahi Mano Kaika. He Ika-a-Whiro a Ariana no Te Panekiretanga o te Reo, kua puta hoki tona ihu i Te Toi Reo Maori hei kaiwhakawhiti reo.
I roto i nga tau kua tū a Ariana hei kaiako i nga kura, i te hapori, i te marae, i nga pakihi hoki. Ko tana mahi matua i tēnei wa, ko te hautū i tana tīma i Reo Maori Mai. Ko ratou tēra e whakatinana ana i te rautaki matauranga, i te rautaki reo hoki mo Ngati Waewae.
Donovan Te Ahunui Farnham
He uri a Te Ahunui Donovan Farnham no Ngati Awa, no Tūhoe hoki. He ihuputa ia no te Kohanga Reo, no nga Rumaki Reo o te pokapū o Tamaki Makaurau, no Waipapa Taumata Rau hoki, ka mutu, katoa mai aua kura he reo Maori te reo kawe. He Ika-a-Whiro no Te Panekiretanga o te Reo, he ihuputa hoki no Te Toi Reo Maori hei kaiwhakamaori, hei kaiwhakapakeha, hei kaiwhakawhiti reo ano hoki. Katahi ano hoki tana ihu ka puta i Te Tohu Paerua o te Reo Kairangi i raro i te maru o Te Wananga o Aotearoa.
Kua 10 tau a Te Ahunui e mahi ana hei kura mahita i roto i te Kura Kaupapa me te Rumaki. Kua whakaakona hoki nga kaupapa NCEA.
Wawaro Te Whaiti
He uri a Wawaro Te Whaiti no Ngati Kahungunu ki Wairarapa, no Rangitane ki Wairarapa, no Kai Tahu hoki. No te tau 2002 ka puta tana ihu i te Whare Wananga o Ako Pai ki Te Whanganui a Tara hei kaiako. Kua whakaako ia ki nga kohanga reo, nga kura auraki me nga kura kaupapa o te Upoko o te Ika me te rohe o Manawatū. He Ika-a-Whiro no Te Panekiretanga o te Reo, he putanga hoki no Te Toi Reo, kua neke atu i te tekau tau e mahi ana hei kaiwhakawhiti reo. E ngakaunui ana a ia ki nga mahi whakaputa rauemi hei hapai i te tamaiti me tona whanau ki te ako me te whakapakari i te korerotia o te reo Maori i nga wahi ako me nga kainga. Kua whai wahi hoki a Wawaro i nga mahi hapai i te whakaakona o te reo Maori ki nga kaiako ma te hotaka Te Ahu o te Reo Maori i raro i a Takatū. I tēnei wa, i tua atu i ēnei mahi, kei te tautoko hoki ia i te huringa o te hotaka NCEA i Aotearoa. Ko te reo Maori, te matauranga Maori, te ahurea Maori me te tangata Maori kei te toi o ana mahi katoa.
Hēmi Kelly
He uri a Hēmi Kelly no Ngati Maniapoto, Ngati Tahu me Ngati Whaoa. He kaiako reo Maori, he kaituhi, he kaiwhakawhitireo hoki ia. Nana nga pukapuka o A Maori Word A Day me A Maori Phrase A Day i tuhi. Ko ia hoki te kaiwaihanga i nga rauemi ako o Everyday Maori. He Ika-a-Whiro a Hēmi no Te Panekiretanga o Te Reo, kua whakawhiwhia hoki ia ki te Toi Reo Maori, ara ki te tohu kaiwhakamaori. I te tau 2017, i whakamaoritia e Hēmi ta Witi Ihimaera pukapuka ko Sleeps Standing, a, ko Te Ruanuku na Paulo Coelho te pukapuka tuarua nana i whakamaori. Ko tana tuhinga auaha tuatahi i tuhia ai ki te reo Pakeha kei roto i te pukapuka o Pūrakau - he kohinga pūrakau Maori na ētahi kaituhi Maori.
Paiheretia Aperahama
He uri a Paiheretia Aperahama no Te Aupouri, Muriwhenua, Ngati Tūwharetoa me Te Ātiawa. He kaiwhakawhiti reo a-tuhi, he kaiako reo Maori, he pou reo hoki ia. Me kore ake ona karani me ona matua i taea ai e ia ēnei mahi. Ko te ao Maori tona kaiwhakamahu, i te ao, i te po.
Herea Winitana
No nga iwi o T_x016B
