This historic book may have numerous typos and missing text. Purchasers can download a free scanned copy of the original book (without typos) from the publisher. Not indexed. Not illustrated. 1854 edition. Excerpt: ...ka mea atu tetehi, tetehi, kei au, pena tonu, huna tonu a Hatupatu. Ka hoki ki Rotorua, ka tahi ka eke i runga i te waka, ka tata ki te motu, i Mokoia, kei te pioi haere atu i runga i te waka nga tuakana, ka mutu, ka ui mai to ratou matua, kei a wai a Raumati 1 ka mea tenei, kei au, tenei, kei au, ka mea to ratou matua, e, --kua ora a Raumati. Ka tahi ka whakatika a Hatupatu, ka pioi i ana kirikiri upoko, ko taua upoko i tona ringa, ko Karika, ka whakahua i tana pioi, koia tenei. 'Ka mate te patunga na Hatupatu, ko Karika, Ka whakamaroro ki tai o te moana, E ta taua rangi, E ta taua rangi, tuia ake Pioi e, pioi e, Ko te mata i tua, ko te mata i wbarau, e ta taua rangi Hanui, Haroa, Hatupatu, ko Karika Ka whakamaroro ki tai o te moana E ta taua rangi.' Ka tahi ka mau te ringa ki te upoko o Raumati, e huna tonu ra i roto i a ia, arara--kei au a Raumati, ka koa, ka tahi ka marere nga kakahu o to ratou pana--ka rere mai ki roto ki te wai, karakia mai ai, koia tenei tana karakia. ara mai hea? teretere nui no Tu? ara mai uta, hara mai tai, teretere nui no Tu? liara mai te kimihanga, hara mai te hahauuga, hara mai te rapanga, teretere nui no Tu. Tu whiwhia, Tu rawea, Tu marie oi, kei te marie nui, o te rangi nui e tu nei Ka whiwhi, ka rawe, ka mahaki, ka angaia, Tere, tere, tere nui no Tu. Heoi ka mutu, ka whakanuia ake tana tamaiti muringa, ka whakaitia iho ana muanga, ka tahi ka ea te weranga o te Arawa. Ka heke mai nga mokopuna a Tama-te-kapua, noho rawa mai i Pakotore, ka whanau a Rangitihi i reira, me ana tamariki, ka haere tetehi ki te Rangiwhakakapua noho ai, ara ki Roto-rua, muri iho, ka haere tetehi ki te Whakatohea, he wahine, muri iho ka haere katoa a Rangitihi ratou ko ana tama ki Ahuriri, ki te rapu utu mo te mate o te tane a...